ସଂଜବତୀ
-ଶ୍ରୀନିବାସ ନାୟକ
ସୁରୁଜ ଲୁଚିଲେ ଚାନ୍ଦ ହସିଦେଲେ
ବେଳ ଯେବେ ଯାଏ ଗଡି,
ଗୋଧୂଳି ଲିଭିଲେ ତାରା ଫୁଟି ଗଲେ
ଅନ୍ଧାର ଆସଇ ମାଡି |
ଧରା ରାଣୀ ଆମ ନୂଆ ବେଶ ସାଜେ
ତମସାର ରଙ୍ଗ ମାଖି,
ପରଜାପତି ଯେ କାହିଁ ଶୋଇଯାନ୍ତି
ଖୋଜି ପାରେନି ମୋ ଆଖି |
ହଳଦୀ ଆକାଶେ କେତେଯେ ଜାତିର
ଚଢେଇ ଯାଆନ୍ତି ଉଡି,
ମନର ସାଗରେ କେତେଯେ ସପନ
ଆଣଇ ନୂଆ ଲହଡି |
ଜୁଳୁଜୁଳିଆର ଟିକି ଦେହଟିରେ
ଦଇବ ଆଲୁଅ ଜଳେ,
କିବା ଦୋଷେ ଆମ ଜୀବନ ଜାତକେ
ସୁଖ ଠାରୁ ଦୁଃଖ ବଳେ ?
ଗାଁ ଦେଉଳର ସଂଖ ଘଣ୍ଟ ତାଳେ
ଗାଏ ମା’ର ଜଣାଣ,
ସଂଜବତୀ ନେଇ ଆରତୀ ବେଳରେ
ଏତିକି ମୋ ନିବେଦନ |
-----------
No comments:
Post a Comment