କାଳିଆ କାହ୍ନୁ

କାଳିଆ କାହ୍ନୁ
                      -ଶ୍ରୀନିବାସ ନାୟକ

କିଏ କହେ, ହାତ ନାହିଁ ତା’ର?
ସବୁ ତ ତା’ରି ହାତରେ...

କିଏ କହେ, ପାଦ ନାହିଁ ତା’ର?
ବଳି ବଦ୍ଧ କାହା ପାଦ ତଳେ?

କିଏ କହେ, ଚକା ଆଖି ତା’ର?
ବାଙ୍କ ଚାହାଣୀ ତା’ର ଗୋପଗୋପୀ ହରେ

କିଏ କହେ, ନାଲି ଅଧର ତାହାର?
ସବୁବେଳେ ତ ସରଲବଣୀ ଅ‍ଇଁଠା ତା’ ଓଠ

କିଏ କହେ, ନୀଳଚକ୍ର ସେ ଉଡାଏ?
ମଥାରେ ତ ତା’ ମୟୂରଚନ୍ଦ୍ରିକା...

କିଏ କହେ, ସେ କିଛି ବି ଶୁଣେନା?
କାନେଇ ଥାଏ କିଏସେ ରାଧାର ପାଉଁଜି ଗୁଞ୍ଜନ? 
-------

ପୂଜା

ପୂଜା
        -ଶ୍ରୀନିବାସ ନାୟକ

ଏଇ ମନ ମନ୍ଦିରରେ,
କେତେ ଫୁଲ ଭାବନାର
ଦେଇଛି ମୁଁ ବୁଣି;
କେତେ ବାସି କେତେ ସଜ
ନାହିଁ ତା ଠିକଣା,
ବାସି ଫୁଲ ସ୍ମୃତି ହୋଈ
ଯାଇଛି ଝାଉଁଳି,
ସଜଫୁଲ ବାସନାରେ
ଭରିଛି ଏ ମନ |

ଦିଅଁ କେହି ନାହିଁ ଏଠି
ଦୀପ ମୋ ପରାଣ,
ପୁଣ୍ୟକର୍ମ ଚନ୍ଦନ ମୋ
ଧୂପ ମୋ ଜଣାଣ,
କଳସୀଜଳ ଅମୃତ
ହୃଦୟ ନୈବେଦ୍ୟ,
ଚିନ୍ତନ ମୋ ସ୍ତବ ଏଠି
କରମ ଆରତି,
ସମର୍ପି ଜୀବନ ପଥ,
ତଥାପି ବି,
ପୂଜା ମୋ ଅପୂର୍ଣ୍ଣ |
--------

My odia poem in Duradrusti...

:
:
Here is my Odia poem "Maati Maa" published in Duradrusti...
http://duradrusti.org/august2007/default.asp?p=52
:
:
Another poem "To kathaa mo mane pade"...
http://www.duradrusti.org/august2008/?p=78
:
: