-ଶ୍ରୀନିବାସ ନାୟକ
ଊପରକୁ ଚାହିଁଲେ ଦିଶେନି
ଈନ୍ଦ୍ରଧନୁ
ଝୁଲୁଥାଏ ମେଂଚାଏ
ବୁଢିଆଣୀ ଜାଲ
ଚାରିଦିଗେ ଦିଶେନି ଦିଗନ୍ତ
ସବୁଆଡେ ଆବୁଡା ଖାବୁଡା
ମାଟିକାନ୍ଥ...
ସକାଳ ସୁରୁଜ ଦିଶେନି ଏଇଠି
ପୂର୍ଣିମାର ଚାନ୍ଦ ଯହିଁ ଲୁଚେ,
ମାଟିତେଲର ଡିବିହିଁ ସର୍ବସ୍ୱ...
ନାହିଁ ପୁଣି ଶରତ ସମୀର,
ରଣଭୂମି ସାଜେ
ବତାଦିଆ ଝରକା;
ବାହାରର ବିଲଛୁଆଁ ପବନ
ଆଉ ଭିତରର କଳାଧୂଆଁ...
ବସନ୍ତର କୋଇଲି ଗାଏନି ଏଇଠି
ଖାଲି ଯାହା ଖାଁ ଖାଁ ଲାଗେ
ଉପହାସ୍ୟ ବିକ୍ରମର ରାଜ ତୋରଣ
ରାଜତ୍ୱ ଏଇଠି, ଶାଳକାଠ ତିଆରି
ରଙ୍ଗ ଛଡା ଦରଜା’ର...
ଘାସ ପଡିଆର
ସବୁଜିମା ନାହିଁ ଏଠି,
ଖାଲି ଯାହା ବାଲି ସର ସର
ଗୋବରଲିପା ଦୁଆର...
ଭାସେନି କେବେ ଏଇଠି
କଳା ଆଉ ଧଳାର ବାଦଲ,
ଭାସି ବି ପାରେନି, କଳାମାଟି ର
ଖପର ଟାଇଲି...
ନଥିଲେ ବି ବେଶି କିଛି ଏଠି
ମୋ ଘର ଭଲ |
----------
----------
No comments:
Post a Comment