ବିଜୟୀ
-ଶ୍ରୀନିବାସ ନାୟକ
କିଏସେ ଦେଇଛି,
ନୀଳ-ସବୁଜ ଦରିଆକୁ
ଅମାପ ବିସ୍ତୃତି?
ରସାତଳ ଗଭୀରତାରେ,
କିଏସେ ଖଞ୍ଜିଛି
ଟିକିଟିକି ମୋତି?
କା’ର ହାତତିଆରି କୁନିଚଢେଇ
ଆକଶ ସାଥିରେ କରେ
ପ୍ରତିଯୋଗିତା ?
କିଏସେ ଭରିଛି,
ଏତେ ଭଲପାଇବା
ଟିକି ପ୍ରଜାପତି ଦେହେ...
ଯିଏ ଚୁମିଚୁମି ଯାଏ
ଏତେସବୁ ଫୁଲ?
ସାଗରର ପରିଧିରୁ
ବିସ୍ତୃତିକୁ ପୋଛିଆଣ,
ଅତଳ ଗଭୀରତାରୁ
ମୋତିଟିଏ ଖୋଜିଆଣ,
ଆକାଶର ପ୍ରତିଯୋଗୀ ସାଜୁଥିବା
ପକ୍ଷୀଟିକୁ ବାନ୍ଧିଆଣ,
ପ୍ରତିଟି ଫୁଲପଖୁଡାକୁ
ଚୁମି ଆସିଥିବା
ପ୍ରଜାପତିଟିଏ ଧରିଆଣ...
ତେବେଯାଇ ଉଡାଇବ,
ତୁମେ,
ବିଜୟୀ ର ଧ୍ୱଜା |
------
1 comment:
The poem is well knit & it has a good intrinsic theme. Nice
Post a Comment